Një video nga një plazh i Italisë, ku një i moshuar në karrocë me rrota luan tenis me një tjetër person është bërë virale në rrjetet sociale.
Ka qenë 34-vjeçarja Vanessa Caporale e cila ka postuar videon emocionuese në rrjetin social “Instagram”. Pamjet vijnë nga plazhi i Barletta-s, ku burri i moshuar në karrige me rrota luan tenis me një burrë të moshës së mesme, me shumë gjasa djalin e tij ose një të afërm.
“Mendova se e meritonte të ndahesha me botën – shkruan Vanessa Caporale – por edhe të shikoja këto pamje kur më ndodh të heq dorë, të ankohem ose të mendoj se nuk është e mundur të rrethohesh me njerëz vërtet pozitivë.
Kjo video na mëson shumë gjëra: nuk ka rëndësi sa vjeç jeni dhe sa kufizime ju ka vendosur jeta ndërkohë, gjithmonë mund të gjeni një mënyrë për të bërë atë që ju pëlqen, ju bën të ndiheni të gjallë apo thjesht ta shijoni atë. Na mëson dashurinë në të gjitha format e saj”, përfundon ajo.
