Një sanitare e qëndrës spitalore “Nënë Tereza” në Tiranë është arrestuar nga efektivët e komisariatit numër 4, pasi i vodhi nga qafa varësen e florit gruas së ish-bashkëshortit të saj, ndërsa këtë të fundit edhe e ka dhunuar.
Ngjarja është rregjistruar mesditën e djeshme para komisariatit ku Suzana Agolli ka shkëmbyer fjalë fyese me 41-vjeçaren E.Zh, e sapomartuar me ish-bashkëshortin e saj. Ajo e ka sulmuar fizikisht me grushte, në prani të ish-bashkëshortit të saj 59-vjeçar me inicialet G.A.
41-vjeçarja E.Zh nuk ka reaguar megjithëse është qëlluar me grushte në fytyrë dhe pjesë të ndryshme të trupit. Ish-bashkëshorti i të arrestuarës është përpjekur të qetësojë situatën me ish-gruan por nuk e ka ndaluar atë që t’i marrë me forcë varësen e floririt shtetases E.Zh dhe të largohet me vrap në drejtim të banesës së saj. Pas largimit të Suzana Agollit, çifti ka shkuar në ambjentet e komisariatit nr. 4 ku ka bërë kallëzim penal kundër 44-vjeçares, e cila më pas është arrestuar.
Gjatë marrjes në pyetje 44-vjeçaria e arrestuar ka pohuar në ambjentet e policisë së Tiranës se dhunën dhe vjedhjen e varëses së florit e ka kryer për shkak të xhelozizë dhe problemeve që ajo ka me ndarjen e pasurisë me ish-bashkëshortin e saj G. A.
Ndaj Suzana Agollit policia e Tiranës ka ngritur dy akuza penale si ajo e “Dhunës në familje” dhe “Vjedhjes”. Burime zyrtare pranë komisariatit nr.4 në Tiranë njoftuan se sanitarja e spitalit, mbahet e izoluar në ambjentet e policisë dhe se materialet kundër saj, i janë dërguar prokurorisë së Tiranës e cila pritet që të nxjerë në gjykatë brenda kësaj jave, Suzana Agollin, për tu njohur me masën e sigurisë.
Sherri në rrugë
Suzana Agolli është arrestuar në ambjentet e komisariatit nr.4 në kryeqytet, pasi ka shkuar të sqaronte rrethanat e ngjarjes. Megjithëse ajo ka pranuar autorësinë e krimit ka refuzuar të kthejë varësen e florit që ja kishte marrë me forcë shtetases E.Zh. Në dëshminë e saj, ajo mendohet se ka pohuar që nuk dëshironte t’i kthente varësen, ndërkohë nuk ka dhënë as vendin se ku e kishte fshehur atë. Konflikti ka vijuar dhe brenda ambjenteve të komisariatit nr.4, ku mësohet se janë marrë si provë dhe kamerat e brendshme të këtij komisariati. Mësohet se në këtë konflikt është ndaluar dhe vllai i Suzana Agollit, por ai pas dhënies së dëshmisë është lënë sërisht i lirë nga efektivët e komisariatit nr.4.Tiranë.
