Një ngjarje e rëndë tronditi Tiranën këtë javë. Një djalë i ri, 22 vjeç, student, djali i vetëm një sportisti dhe një mësueseje u vra pabesisht nga 4 të rinj që ishin përfshirë në konflikt me Marvi Mihalin për një karikues telefoni. Pozita e autorëve mund të rëndohet edhe më shumë, pasi kanë deklaruar gjatë marrjes në pyetje nga hetuesit se “Marvi i ka ofenduar”. Pra vetëm për një ofendim, Eugen Bitraj 24 vjeç ka nxjerr thikën dhe i ka marrë jetën të riut.
Përleshja në zonën e Tiranës së Re pranë stadiumit “Selman Stermasi” ka nisur në një lokal mbrëmjen e së hënës. Mësohet se në fillim ka patur një debat mes 19 vjeçarit Dejvi Bitraj, Marvi Mihalit (viktima) dhe kushërit të këtij të fundit. Debati tejet banal ka qenë për një karikues telefoni. Nga deklarimet mësohet se kushëriri i Marvit kishte blerë një telefon tek Dejvi dhe ky i fundit nuk i kishte dhënë karikuesin.
Më pas sherri ka percipituar pasi Dejvi Bitraj ka thirrur në ndihmë kushëririn e tij Eugen Bitraj 24 vjeç i cili ka shkuar bashkë me 3 shokë të tjerë. Pasi kanë rrahur Marvin në rrugicën para lokalit, Eugen Bitraj e ka goditur me thikë në zemër duke i çarë aortën. Marvin Mihali ndërroi jetë disa minuta më pas në spital. Ndërsa policia ka arrestuar autorin e vrasjes Eugen Bitrajn dhe bashkëpunëtorët në krim Dejvi Bitrajn, Kridens dhe Marsel Alla.
Policia ende nuk ka gjetur armën e krimit, e cila dyshohet se është hedhur nga autori në lumin e Lanës, gjatë largimit nga vendi i krimit. /Opinion.al
