Të shtëna me armë janë regjistruar mbrëmjen e sotme në Fier, ku kanë mbetur të plagosur tre persona. Ngjarja ka ndodhur në urgjencën e spitalit të Fierit, ku një person është futur brenda ambienteve të spitalit dhe ka qëlluar me armë zjarri, duke lënë të plagosur tre persona, të cilët ndodhen jashtë rrezikut për jetën.
Ndërkohë në vendngjarje mbërritën Forcat e Ndërhyrjes se Shpejtë dhe Policia e Fierit të cilët kanë arrestuar dy persona të përfshirë në këtë ngjarje. Sipas drejtorit të policisë së Fierit, njëri nga pjesëtarët e sherrit i ka marrë armën policit të patrullës së përgjithshme dhe ka qëlluar në drejtim të të plagosurve.
Bëhet me dije se më herët sherri fillimisht ka nisur në Levan mes dy grupeve, të cilët në fillim janë konfliktuar me sende të forta. Pas konfliktit në Levan të plagosurit kishin shkuar më pas në Fier për të marrë ndihmë mjekësore. Por, njëri prej të përfshirëve në sherr ka ardhur në spital dhe i ka sulmuar, ndërsa më pas ka qëlluar me armë në drejtim të tyre./ Opinion.al E.Xh.
