Monika Kryemadhi ka treguar mbrëmjen e sotme se pse ka refuzuar kërkesën e ambasadores amerikane Yuri Kim.
Kim pak ditë më parë i ka kërkuar Kryemadhit të bëj thirrje për qetësim të protestës dhe shmangie të dhunës, por kjo e fundit e ka refuzuar.
Sipas saj, LSI nuk ka qenë organizator i protestës, dhe një deklaratë të tillë nuk kishte pse ta bënte.
“Unë i thashë nuk kam pse të bëj deklaratë për sa kohë nuk jam organizatore. Anëtarë të LSI janë aty si qytetarë dhe si vëzhgues për të parë ata që dhunojnë të rinj dhe të reja. Do të kemi hapat tona një pas një. Ne do t’i çojmë në institucionet e drejtësisë,” tha Krymadhi për ABCNews.
Deklarata e Monika Kryemadhit:
Kim e bëri publike. Në radhë të parë na përgëzoi për angazhimin e LSI për reformën zgjedhore. E dyta ishte e shqetësuar për vrasjen e Klodian Rashës dhe kërkonte një distancim ose një deklaratë. Unë i thashë nuk kam pse të bëj deklaratë për sa kohë nuk jam organizatore. Anëtarë të LSI janë aty si qytetarë dhe si vëzhgues për të parë ata që dhunojnë të rinj dhe të reja. Do të kemi hapat tona një pas një. Ne do t’i çojmë në institucionet e drejtësisë. Mund të pyesni PD për padinë ndaj Ardi Veliut. Ne kemi bërë sot padi për shpifje që të mos thonë pastaj që Reformë në Drejtësi solli risi. Mos harrojmë që e gjithë kjo gjë solli fakte argumente.
Ajo që është e rëndësishme që unë i thashë Kim që kam qenë në familje, kam pirë një kafe dhe nuk e kam bërë publike. Unë kam shkuar si vajzë dibrane. Padia e prokurorisë është tejkalim i kompetencave për vetëmbrojtje. Vetëmbrojtje me kurriz? Ambasadorja sipas të dhënave të saj, kishte të dhëna që paguheshin protestues për të dalë në protestë për të dhunuar. Do të ishte mirë që këto t’ia çojnë drejtësisë. Ajo më kërkoi që unë si kryetare e LSI të merrnim masa që me të rinjtë tanë t’i largonim nga dhuna. Unë jam bëra të qartë që në filozofinë e Monika Kryemadhit të shkatërrosh, është të bësh Edi Ramën nga kriminel në viktimën”, deklaroi Kryemadhi./Opinion.al
