Rick Genest , i njohur ndryshe si ‘Zombie Boy’ për shkak të tatuazheve që i mbulojnë trupin e tij, ka kryer vetëvrasje.
Modeli kanadez u bë i njohur në botën e artit dhe të modës për shkak të stilit ndryshe të tatuazheve të tij, por mori famë ndërkombëtare në vitin 2011 kur u shfaq në videoklipin e këngës “Born this Way” të Lady Gaga. Askush nuk mendonte që tatuazhet e tij të jashtëzakonshme ishin të vërteta, por në fakt u morën si piktura të realizuara për klipin.
Kjo paraqitje shërbeu si trampolinë ku Genest u bë mjaft i kërkuar dhe tashmë po pozonte për revistat e famshme të modës si GQ dhe Vanity Fair.
Zombie Boy theu rekordin botëror Guinness si njeriu që kishte më shumë insekteve si tatuazhe (176), dhe një tjetër për ato të eshtrave (139). Ai gjithashtu kishte raportuar se ishte duke punuar për një album këngësh me ish-kitaristin Rob Zombie Mike Riggs përpara se të vdiste.
Sipasmediave kanadeze, Genest u gjet nga policia i vdekur në banesën e tij nga një vetëvrasje e dukshme. Nuk dihen ende arsyet që e çuan 32 vjeçarin në vetëvrasje./Opinion.al
