Një tjetër mësues ka ndërruar jetë nga pandemia COVID-19.
Zyra vendore arsimore e Durrësit ka bërë publik lajmin për ndarjen nga jeta të arsimtarit Fatos Cenka, i cili nuk ka arritur të fitoj betejën me virusin COVID-19.
Sipas njoftimit, mësohet se mësuesi ushtronte detyrën e tij në shkollën “Hamallaj” në Durrës prej 20 vitesh.
Njoftimi i shkollës:
Në emër të të gjithë mësuesve të qytetit të Durrësit dua ti shpreh ngushëllimet familjes së mësuesit Fatos Cenka.
Stafi i shkollës “Hamallaj”humbi një mësues që punoi për 20 vite me përkushtim pranë këtij institucioni.
Fatos Cenka ka qenë një mësues i përkushtuar në punë,i aftë për të trasmetuar dije ,një prind shembullor dhe një mësues i dashur dhe i respektuar nga kolegët dhe nxënësit e tij.
Ngushëllime kolegëve dhe miqve të mësuesit të nderuar të shkollës 9-vjeçare “Hamallaj”, të ndjerit Fatos Cenka.
Mirënjohje për kontributin e tij të vyer prej shumë vitesh punë në shërbim të edukimit dhe formimit të shumë brezave…
Shpirti i tij u preftë në paqe!/ Opinion.al
