Vladimir Gjuta, i forti nga Kukësi, i cili u bë tepër i njohur për kronikat, pas akuzave dhe hetimeve si kreu i mundshëm i bandës që vendosi tritolin te farmacia e babit të ministrit të Brendshëm Saimir Tahiri është kthyer sërish në qendër të vëmendjes.
Edhe pse ai u la i lirë në përfundim të hetimeve, pasi nuk kishte prova që ta ngarkonin me faj për akuzat e ngritura lidhur me tritolin e lartpërmendur, Gjuta kësaj here duket se e ka përdorur forcën ndaj të afërmve të tij dhe konkretisht ndaj babait.
Dje qarkulloi lajmi se ai ishte arrestuar pas ushtrimit të dhunës ndaj prindit të tij.
Një gjë e tillë konfirmohet edhe nga padia që ka ngritur babai në gjykatë, ku ka kërkuar një urdhër të menjëhershëm mbrojtjeje nga i biri.
Përmes Çështjes nr.10631, regjistruar pranë gjykatës së shkallës së parë Tiranë më 20.06.2016, Ferit Gjuta ka paditur Vladimir Gjutën, duke kërkuar “Leshimin e urdhërt të menjehershem të mbrojtjes”.
Ndëerkohë, Bashkia e Kamzës, me kërkesë të Vladimir Gjutës i është drejtuar po dje gjykatës së shkallës së parë në Tiranë, duke kërkuar nga kjo e fundit që të nryshojë emrin e shtetasit të lartpërmendur nga “Vladimir” në “Xhorxh”.
