Një punonjës i profileve duralumin është arrestuar nga Policia e Tiranës, pasi ka përndjekur një infermiere.
Ai është G. Toçi, 29 vjeçar, lindur në Pogradec dhe banues në Tiranë. Ky person përndiqte prej një kohe të gjatë një infermiere, e identifikuar si E.G. 30 vjeçe.
Sipas kallëzimit të infermieres, personi në fjalë e ndiqte ngado që ajo shkonte.
Kulmi arriti më datë 29 shkurt, kur i riu shkoi në banesën e infermieres.
Kjo e fundit refuzoi t’ia hapte derën, por ai arriti të hynte brenda duke përdorur një kartë bankare, me të cilën bëri të mundur hapjen e derës së blinduar të apartamentit./ Panorama.al
