Një 61-vjeçare e shtruar në spitalin e Traumës akuzon nusen e djalit se e ka dhunuar në mënyrë barbare.
Elena Cinari ka folur në News 24 në lidhje me akuzat e vjehrrës së saj Marjana Cinari dhe ka mohuar të ketë ushtruar dhunë ndaj saj.
“Më thoshte s’ke punë ti të ndërhysh tek gjërat e mia. Ajo i thoshte se do të gjej grua tjetër, nuk janë fëmijët e tu , do ta shikosh kur te gjej ADN. Në orën 20:00 më marrin sërish në pyetje në komisariat dhe më thonë e ke dhunuar apo jo? I thashë jam e pastër dhe drejtësia do të dalë. Para disa muajsh vjehrra ka bërë disa analiza dhe doktori i ka thënë se duhet të niset në Tiranë sepse nuk është mirë nga gjendja shëndetësore. Ajo donte që unë të largohesh nga shtëpia. Kur unë bëj gati plaçkat ajo me vjen tek dera dhe më thotë më fal se do ti rishikojmë gjërat. Unë i jap mundësi. Kam festuar edhe ditëlindjen e çupës së saj”, tha Elena Cinari.
Ndër të tjera tha se do marrin shtëpi me bashkëshortin dhe se do të jetojnë bashkë. Sakaq, bashkëshorti i saj në një bisedë telefonike ka pohuar: “Jo jo unë nuk ngatërrohem me këto gjëra. Jo jo më vjen keq. E vërtetë është, por ta gjejnë ato të dyja nuk kam lidhje fare me atë pjesë. Nusja është te prindërit e saj”.
