Një shqiptar i kërkuar për trafik të lëndëve narkotike ka rënë në prangat e policisë italiane në rrethana disi të pazakonta.
Qani Kelolli kishte rreth një vit në arrati pasi ishte dënuar me 2 vite e 6 muaj burg. Sipas “La Republicca” ai u kap në Milano pasi kishte dhënë provimin në “Accademia di Berera”, ku ishte regjistruar. Kjo e fundit është një nga institucionet më të vjetra të Milano sa i përket formimit artistik.
Kelolli ishte i apasionuar pas artit dhe mesa dukej kërkonte ta zhvillonte pasionin e tij edhe në mënyrë akademike. Ai ishte paraqitur në provim me një pasaportë false greke por ishte identifikuar nga autoritet.
46-vjeçari kundërshtoi policët, por pas një përleshje të shkurtër iu vunë prangat. Sipas hetuesit, ai ka qenë gjithmonë shumë i lidhur me artin, madje ka shkruar edhe një libër, “Lindur për të shkuar larg”, duke treguar historinë e tij të rehabilitimit. /Opinion.al
