Një 41-vjeçar i identifikuar si Alfred Koxhaj, 41 vjeç, banues në Ballsh, është vënë në pranga nga policia e Fieri.
Mësohet se Koxhaj ishte shpallur në kërkim për nxjerrjen përpara përgjegjësisë penale, pasi ishte dënuar me 7 vjet burgim pas njohjes së vendimit të një gjykate greke, për veprimtari kriminale në fushën e narkotikëve.
“Ndalohet një 41-vjeçar i shpallur në kërkim sepse ishte dënuar me 7 vjet burgim, pas njohjes së vendimit të një gjykate greke, për veprimtari kriminale në fushën e narkotikëve.
Specialistët e Seksionit për Hetimin e Narkotikëve të DVP Fier, në bashkëpunim me shërbimet e Komisariatit të Policisë Fier, në vijim të punës për kapjen e shtetasve të shpallur në kërkim dhe për nxjerrjen e tyre përpara përgjegjësisë penale, ndaluan shtetasin Alfred Koxhaj, 41 vjeç, banues në Ballsh.
Gjykata e Apelit të Vlorës ka njohur një vendim të autoriteteve gjyqësore të Greqisë, për dënimin e 41-vjeçarit, me 7 vjet burgim, për vepren penale “Prodhimi dhe shitja e narkotikëve”.
Materialet procedurale i kaluan Prokurorisë pranë Gjykatës së Shkallës së Parë të Juridiksionit të Përgjithshëm Fier, për veprime të mëtejshme”, njofton policia./Opinion.al
