Policia e Tiranës ka njoftuar se është kapur dhe vënë në pranga një shtetas i shpallur në kërkim për veprën penale “Mashtrimi” me pasoja të rënda.
Uniformat blu informojnë se një 55-vjeçar është kapur në Rinas, teksa tentonte të futej në Shqipëri.
Sipas policisë, është arrestuar shtetasi Vasil Prifti, 55 vjeç, banues në Tiranë dhe rezident në SHBA.
Ky shtetas ishte shpallur në kërkim, pasi Gjykata e Rrethit Gjyqësor Tiranë e ka dënuar me 6 vite burg për veprën penale “Mashtrimi” me pasoja të rënda.
Mësohet se shtetasi Vasil Prifti, nëpërmjet mashtrimit, ka shitur një apartament banimi, duke përdorur një certifikatë të falsifikuar./Opinion.al
