Policia ka kapur një 39-vjeçar në Greqi, i cili është ekstraduar drejt vendit tonë, pasi rezulton i dënuar për plagosje të rëndë me dashje.
Në vijim të bashkëpunimit të Drejtorisë së Interpolit me zyrat homologe, për kapjen dhe ekstradimin e personave të shpallur në kërkim ndërkombëtar, është arrestuar në Greqi shtetasi shqiptar Marinel Demiri, 39 vjeç, banues në Pojan, Korçë.
39-vjeçari u arrestua nga autoritetet policore greke me qëllim ekstradimin drejt Shqipërisë, në zbatim të urdhër-arrestit ndërkombëtar të lëshuar nga Drejtoria e Interpolit.
Gjykata e Apelit Tiranë e ka dënuar atë me 5 vjet e 6 muaj burgim, për veprën penale “Plagosja e rëndë me dashje”.
Mësohet se 39-vjeçarit i kanë ngelur për të vuajtur dhe 4 vjet, 5 muaj e 18 ditë.
Nga hetimet rezulton se shtetasi Marinel Demiri, është përfshirë në një konflikti me sende të forta, në fshatin Pojan, Korçë, gjatë të cilit ka humbur jetën shtetasi A. Z., 75 vjeç, i cili kishte ndërhyrë për të ndihmuar djalin e tij gjatë konfliktit me të rinjtë.
