Ish-mjeku i ekipit kombëtar të gjimnastikës amerikane, Larry Nassar, u godit me thikë disa herë nga një tjetër i burgosur në burgun ku po kryen dënimin, shkruan BBC.
Ngjarja ka ndodhur të dielën ku Nassar, 59 vjeç, i dënua deri në 175 vjet burg për ngacmim të gjimnastëve.
Ai raportohet se ndodhet në spital në gjendje të qëndrueshme.
59-vjeçari pësoi një kolaps në mushkëri pasi u godit me thikë dy herë në qafë, dy herë në shpinë dhe gjashtë herë në gjoks, tha një udhëheqës i sindikatës së burgjeve për NBC.
Në një deklaratë për BBC, Byroja Federale e Burgjeve tha se një i burgosur ishte sulmuar në orën 14:35 të dielën në burgun e Shteteve të Bashkuara Coleman në Florida, ku ish-mjeku i turpëruar po vuan dënimin.
“Stafi që përgjigjet menjëherë filloi masat për shpëtimin e jetës”, tha agjencia, dhe i burgosuri u dërgua në një spital lokal “për trajtim dhe vlerësim të mëtejshëm”.
Ndërsa për rastin ka nisur një hetim i brendshëm.
Asnjë personel apo i burgosur tjetër nuk u lëndua në incident./Opinion.al
