Takimi me plakun e verbër 89 vjeçar Herbert T. për shqiptarin 42 vjeçar Enver M. ka qenë si një “e qëlluar e pyetjes milionëshe”.
Kështu e komentojnë mediat gjermane historinë e shqiptarit që mes mashtrimit arriti t’i zhvaste paratë gjermanit, por që në sallën e gjyqit u mbrojt duke thënë se e ka trajtuar mirë, është kujdesur për të, madje i ka çuar edhe 100 prostituta.
Kur u takuan për herë të parë, raporton albinfo.ch, shqiptari u prezantua si “nipi i Günter Jauchut”, moderatorit të famshëm gjerman të kuizit më të madh evropian “Kush do të bëhet milioner”.
Shqiptari e ka takuar plakun e pasur, ish arkitekt, pas përfundimit të operës, shkruan bild.de. Duke i ofruar ndihmë, ai e çoi atë deri në shtëpinë e tij në Friedrichdorf dhe u vendos tek ai.
Aq shumë besim fiton te plaku sa që fillon të banojë me të si pjesëtar i shtëpisë, i siguron një pastruese dhe madje edhe prostituta.
Para trupit gjykues ne seancen e djeshme, Enveri (i quajtur Ton Jauch) ka pohuar se kanë qenë “sigurisht nja 100 prostituta”, që ai i ka dërguar plakut.
Ndërsa Herbert T. ka pranuar se ka pasur por jo aq shumë: “2prostituta kanë ardhur te unë dhe të dyjave ua kam paguar nga 25 euro”.
“Tony më ka dërguar edhe në bordel në Frankfurt por mua nuk më ka pëlqyer kjo gjë. Unë kërkoja një grua për të jetuar me të”.
Sidoqoftë, Tony ka ditur gjatë tërë kohës se ku gjende kartat e bankës të plakut dhe ka bërë me to çfarë ka dashur, transmeton albinfo.ch.
Ka marrë, herë 50, herë 2000 euro nga banka dhe ka blerë atë që ka dashuar, thotë Herbert T.
Gjithsej është konstatuar se ka përvetësuar 37 mijë e 152 euro e 79 centë. Vetëm tre muaj më vonë plaku e merr vesh se Tony Jauch nuk është ai që prezantohej.
Menjëherë ka bërë kallëzim penal kundër tij dhe në fund gjykata ka vendosur tre vjet burg për mashtrim për shqiptarin.
