Ky është momenti rrëqethës kur një djalë 2 vjeçar nigerian, i cili duket se po vdes urie, i jepet ujë nga një punëtore të bamirësisë.
Djali quhet Hope (Shpresë në shqip) dhe ishte braktisur nga familja e tij tetë muaj më parë, pasi ata besonin se ai ishte shpirtligë, shkruan DailyMail, transmeton lajmi.net.
Ai për tetë muaj kishte jetuar nëpër rrugë dhe ishte ushqyer me mbeturina.
Bamirësja, Anja Ringgren Loven nga Danimarka, 31 vjeçarja që jeton ën Afrikë, e kishte gjetur djalin e vogël në rrugë, në gjendje të tmerrshme dhe i kishte dhënë të pijë ujë nga shishja e saj.
E tmerruar nga gjendja në të cilin gjendej ky fëmijë, Loven e morri atë dhe filloi ta ushqente. Më pas ajo e mbuloi me një batanije, pasi djali ishte komplet i zhveshur dhe e dërgoi në spitalin më të afërt për trajtim mjekësor.
Loven është themeluese e Fondacionit për Ndihmë Edukative dhe Zhvillomore të Fëmijëve në Afrikë, dhe që tre vjet ndihmon fëmijët të cilët janë të braktisur nga familja e tyre apo edhe nga komuniteti.
“Mijëra fëmijë akuzohen se janë shpirtligë dhe torturohen e më pas braktisen nga familjet e tyre”, ka shkruar Loven në faqen e saj të Facebook-ut, ku ka postuar edhe fotografitë me fëmijën Hope, të cilin e ka ndihmuar. Ajo ka bërë thirrje për donacione në mënyrë që të mund të paguaj faturat mjekësore të këtij djaloshi nigerian.
Kur Hope ishte dërguar në spital, doktorët i kishin hequr krimbat që kishte në barkun e tij dhe i është dhënë gjak për çdo ditë, në mënyrë që të rikuperojë të gjitha qelizat e kuqe të gjakut të cilat trupi i tij nuk ka mundur t’i prodhojë si pasojë e kequshqyerjes dhe kushteve të rënda të jetesës.
Gjendja e tij shëndetësore, fatmirësisht tash është stabile./lajmi.net
