TIRANË- Një ditë pas publikimit të një videoje në “jetaoshqef” dhe më pas në gjithë portalet mbi dhunën e paprecedent ndaj një të riu janë identifikuar autorët.
Ata janë me shtetasit me iniciale – R. N., 34 vjeç dhe D. N., 19 vjeç, bën të ditur policia e Tiranës.
Ndërsa personi i dëmtuar është me iniciale A.Ç., 20 vjeç, banues në Tiranë, i cili ka kallëzuar se ngjarja ka ndodhur për motive të dobëta.
Personat e sipërpërmendur e kanë marrë me mjetin e tyre 20-vjeçarin dhe kanë kryer veprime jo të hijshme (duke urinuar mbi kokë) dhe e kanë goditur. Këto veprime ata i kanë filmuar vetë.
