Një person është arrestuar në qytetin e Shkodrës për shkak të disa të shtënave me armë zjarri në ajër, pas një konflikti me disa persona. Ngjarja ka ndodhur në afërsi të bustit të Preng Calit, ndërsa I arrestuari është shtetasi Viktor Marku.
Më herët ky shtetas është ndaluar si i dyshuar për vrasjen e Hekuran Billës në Tiranë, por më pas është liruar për mungesë provash nga gjykata e Tiranës.
Lidhur me ngjarjen e fundit, policia e Shkodrës ka bërë shoqërimin dhe të dy personave të tjerë, vëllait dhe djalit të xhaxhait të tij. Ndërkohë në një automjet tip BMË është gjetur një gëzhojë arme me të cilën dyshohet se është qëlluar. Sakaq, policia ka bërë të mundur sekuestrimin e automjetit. Ndërkohë, janë ende të paqarta arsyet e kësaj ngjarje ndërsa policia po vijon hetimet për zbardhjen e plotë të saj. Nga të shtëna raportohet se nuk ka persona të plagosur pasi janë larguar me shpejtësi duke i shpëtuar plumbave./Opinion.al
