Ish-kryeministri Sali Berisha nuk është paraqitur as sot në GJKKO, pavarësisht se në ambientet e kësaj të fundit do të zhvillohet seanca ndaj tij.
Njësoj si një ditë më parë, në GJKKO janë paraqitur vetëm avokatët e ish-kryeministrit.
Gjykata ka nisur shqyrtimin e masave të sigurisë “Detyrim paraqitje” dhe ndalim të daljes jashtë vendit për të, të marra ndaj tij në kuadër të hetimit mbi procedurat e privatizimit të ish-kompleksit sportiv “Partizani” në kryeqytet.
Këto masa janë konsideruar antikushtetuese nga zot Berisha, sipas të cilit, do të duhej që më parë Prokuroria e Posaçme të kërkonte autorizim nga parlamenti./Opinion.al
