Finalet e Europianit janë një vitrinë e jashtëzakonshme për futbollistët dhe ata shqiptarë në fund janë pjesë e saj. Mediat sportive ndërkombëtare po ndërtojnë formacionet ideale dhe në njërin prej tyre ndodhet shqiptari Elseid Hysaj.
Mbrojtësi 22-vjeçar i Napoli është përzgjedhur nga spanjollja “Marca” në 11-shin ideal të futbollistëve të rinj. Hysaj që po kalon një moment fantastik me skuadrën italiane është mbrojtësi i djathtë në reshtimin 4-2-3-1.
“Marca” shkruan se Elseid Hysaj do të ketë vëmendjen e menaxherëve në finalet e Euro 2016 dhe në fakt kjo po ndodh edhe tani.
Pavarësisht se nuk ka ende bisedime, Atletico Madrid ka shfaqur interes për të sipas mediave italiane, por nuk mungojnë edhe ekipe të tjerë edhe pse Hysaj është nën kontratë me Napoli deri në vitin 2020.
Tv Klan
