Kur temperaturat kanë arritur në pikat maksimale këtë fillim korriku, një i ri nuk i ka shpëtuar tundimit për të hyrë në lumë për tu freskuar. 27 vjeçari nuk ka mundur të dalë më prej lumit Vjosë. Alarmin e ka thënë kolegu i tij, i cili ka shpjeguar edhe ngjarjen. Ndërkohë ende nuk është gjetur trupi i pajetë.
Ngjarja ndodhi sot në mesditë në Novoselë të Vlorës. 27 vjecari nga Fieri ishte punëtor në një pikë të përpunimit të inerteve ‘’Lavatriçia e vjetër’’. Ai ishte futur bashkë me kolegun për tu larë në lumë. Ky i fundit ka dhënë se kur ka dalë nuk e ka parë më shokun. Më tej ka shpjeguar se ka njoftuar policinë e Vlorës dhe familjarët.
