Hungaria vazhdon të bllokojë propozimin për vendosjen e një embargoje ndaj naftës ruse. Kjo ka qenë arsyeja që një video-konferencë e fokusuar te ndalimi i naftës ruse që do të zhvillohej sot është shtyrë për në një datë të mëvonshme.
Për të sanksionuar më tej Rusinë për agresionin e saj në Ukrainë, Ursula von der Leyen, presidente e Komisionit Evropian, ka propozuar që 27 vendet e BE-së të heqin gradualisht importin e naftës së papërpunuar brenda gjashtë muajve dhe produkteve të rafinuara deri në fund të vitit.
Hungaria ka thënë se nuk do të votojë për sanksionet e propozuara, duke deklaruar se ato do të kenë efektin e një “bombë atomike” në ekonominë e saj dhe do të shkatërrojnë “furnizimin e qëndrueshëm të energjisë”.
Sanksionet vijnë pasi Presidenti ukrainas Volodymyr Zelensky, tha se nevojitet një paketë e gjashtë sanksionesh nga BE për të ndihmuar në përfundimin e luftës së Rusisë në Ukrainë.
