Në fillimin e një prej samiteve më të tensionuara dhe me qëndrime të ndara, atmosfera midis liderëve të Bashkimit Evropian krijoi edhe momente “komike”
Shkak u bë pandemia e koronavirusit. Me të gjitha llojet e maskave, rregullave të distancës sociale dhe mënyrave të reja të përshëndetjeve, disa nga liderët iu gëzuan risive teksa takoheshin personalisht për herë të parë që nga shkurti.
Kur kancelarja gjermane Angela Merkel vuri re që maska e kryeministrit bullgar Boyko Borissov nuk mbulonte hundën e tij, fytyra e saj mori një shprehi habie dhe frike.
Ajo ja vuri menjëherë në dukje këtë gjë homologut të saj duke i treguar me gisht se maska e tij kishte rëshqitur dhe duhej vendosur siç duhej.
Që nga goditja e pandemisë në Evropë në fillim të këtij viti, BE ka parë një recesion të paparë. Ekonomia e BE-së pritet të bjerë me 8.3 përqind këtë vit, sipas parashikimeve të fundit. Rreth 135,000 qytetarë të saj kanë vdekur nga Covid-19.
Për të siguruar që kombet e goditura më së shumti dhe blloku në tërësi mund të rikuperohet, liderët po shqyrtojnë një fond rimëkëmbjeje prej 750 miliardë eurosh dhe në të njëjtin vendim për një buxhet prej shtatë vitesh prej 1.1 trilionë eurosh.
Me 27 liderë që vijnë me kërkesa të ndryshme, samiti dy-ditor mund të mos jetë i mjaftueshëm për të zgjidhur mosmarrëveshjet e tyre.
Pas përshendetjeve me bërryla dhe bisedave të shkurtra, presidenti i Këshillit, Charles Michel i thirri të gjithë në tryezë, e cila ishte ndarë veçanërisht si një masë paraprake shëndetësore.
Pas kësaj maskat hoqën dhe metaforikisht edhe dorezat. /Opinion.al
