Nuk ka ende asnjë mesazh zyrtar nga selia blu apo lideri i saj, pas humbjes së thellë të PD-së në këto zgjedhje, por ama zëra të veçantë pranë saj kanë folur. Të tillë janë Eduard Halimi dhe Ervin Salianji. Ata janë zgjedhur deputetë të zonat e tyre respektove Berat dhe Korçë por gjithsesi rezultati në total në këto qarqe ka qenë zhgënjyes për PD-në.
Halimi dhe Salianji flasin për blerje votash, për garë të padrejtë, për dhunë, etj.
Eduard Halimi në facebook
Respekt për burrat dhe gratë dinjitoze që nuk e shiten votën dhe as u përulën as para thesit te pushtetit, as parave dhe presionit te gangsterëve të lidhur me pushtetin, por votuan për ndryshuar ekonominë e familjeve te tyre.
Keqardhje që kontrata e politikës me krimin ia doli sërish në Berat, që me paratë, forcën dhe lidhjen e gangsterëve me pushtetin të blejne voten e njerezve te varfer gjate javeve te fundit, te mposhtin dinjitetin tyre, e te triumfojne mbi varferine e thelle ne Skrapar, Polican, Kucove, Ure Vajgurore e Berat.
Kontrata e krimit me politiken ia doli qe edhe diten e votimit ne cdo qender votimi patrullat e fuoristradave te zeza te benin ligjin duke sfiduar organet e ligjit, pranine e medias dhe te vezhguesve te ODHIR- Osce ne Uznove, Velabisht, Çelepias ne qender te Beratit e Kucoves.
Mesazhi i Ervin Salianjit
I falenderoj qytetarët për mbështetjen që na kanë dhënë në kushtet e kërcënimit dhe intimidimit të votuesve. Në rast se do kishte votë të lirë jo vetëm rezultati do ishte më ndryshe por edhe pjesëmarrja në votim do ishte më e madhe. Ky s’është justifikim po kishim mundësi dhe pritshmëri për të dalë më mirë. Pjesëmarrësit në votim s’kanë dalë për shkak të kërcënimit që është bërë nga njerëz me precedentë kriminale apo nga administrata. Une u ndjeva si ne lufte, zgjedhjet ne Shqiperi duhet te jene me program. U ndjeva pishman pse s’kam bere palester me shume se me eshte dashur te perballem edhe me perplasje fizike.
/Opinion.al
