Dy të rinj shqiptarë kanë humbur jetën si pasojë e një aksidenti automobilistik në Itali. Mediat italiane bëjnë me dije se mëngjesin e së dielës, rreth orës 6, një automjet Volkswagen humbi kontrollin dhe doli nga rruga duke u përplasur me një mur betoni në Pedemontana në zonën e Villorba
Nga përplasja e fortë, automjeti u rrotullua dhe përfundoi në një fushë ngjitur me rrugën. Dy shqiptarët që ishin brenda humbën jetën përpara se ambulanca të mbërrinte në vendngjarje. Shkak për këtë thuhet të jetë mos vendosja e rripave të sigurimit.
Mediat fqinje raportojnë se viktimat janë 24-vjeçari Dorian Myftaraj i cili jetonte në Shqipëri por kohët e fundit ndodhej në Itali dhe 35-vjeçari Rruzhdi Karreci, banues në Spresiano, me origjinë nga Durrësi. Ky i fundit ishte i njohur për policinë pasi ishte arrestuar në 27 korrik 2018 pasi ishte kapur me kokainë. /Opinion.al
