Dy persona janë arrestuar nga policia, pasi dyshohet se kanë groposur të gjallë një grua në një varrezë në Brazil.
36-vjeçarja është nëna e katër fëmijëve, e cila është keqtrajtuar dhe është tërhequr zvarrë nga dy sulmuesit, që nga shtëpia e saj e deri në varrezat komunale Visconde do Rio Branco në shtetin të Minas Gerais, në të cilën është varrosur.
Ajo ‘mbijetoi’ nën tokë për 10 orë, përpara se varrmihësit të dëgjonin thirrjen e saj për ndihmë dhe të lajmëronin policinë, e cila ndërhyri duke e nxjerrë jashtë.
Shefi i policisë Diego Candian deklaroi përpara mediave, se dy autorët e këtij krimi 20 dhe 22 vjeç tentuan të arratiseshin, por u kapën përpara se të dilnin nga shteti.
Ata dyshohet se e sulmuan gruan dhe bashkëshortin e saj, i cili arriti të arratisej, pasi ajo iu kishte humbur një sasi kokaine dhe armësh.
Të dy të rinjtë nuk ishin emra të panjohur për policinë, pasi ishin arrestuar në të kaluarën me akuza për trafik armësh dhe droge. Ndërkohë autoritetet thanë se janë në kërkim të një të dyshuari të tretë, ende të paidentifikuar.
Sipas deklaratës së mjekut, nga dhuna e ushtruar gruaja ka pësuar një dëmtim në kokë dhe rrezikon të humbasë një nga gishtat e dorës./Opinion.al
