Gjendet pajetë, 27-vjeçari Ajet Lleshi, i cili një ditë më parë kishte humbur kontaktet e me familjarët e tij në zonën e malit të Pashtrikut në Has.
Mbrëmjen e kaluar 27-vjeçari kishte njoftuar familjarët se ishte bllokuar në mal për shkak të motit të keq dhe më pas nuk iu ishte përgjigjur thirrjeve të tyre.
Mëngjesin e sotëm dhjetëra efektivë të Hasit dhe ekipet e kërkim shpëtimit nga Kosova nisën kërkimet për të riun, i cili u gjet pas disa orësh i pajetë.
Paraprakisht mendohet se shkak për vdekjen e tij kanë qenë temperaturat e ulëta që kishin përfshirë zonën e Pashtrikut gjatë ditëve të fundit, ku nuk munguan dhe reshjet e borës.
Ajet Lleshi nga fshati Kishaj i Hasit ishte nisur që prej mëngjesit të djeshëm drejt malit të Pashtrikut për për të prerë dru në pyll.
