Trajneri portugez Fernando Santos është shkarkuar të mërkurën nga kombëtarja e Polonisë tre ditë pas humbjes 2-0 në Tiranë përballë kuqezinjve.
Mediat e huaja raportojnë se federata polake e futbollit kishte vendosur të ndante rrugët me trajnerin portugez pas fillimit zhgënjyes të skuadrës në kualifikimet e Kampionatit Evropian UEFA.
Santos, i cili udhëhoqi Portugalinë drejt titullit të Kampionatit Evropian në 2016 dhe fitores së UEFA Nations League në 2019, u takua me kreun e federatës polake, Cezary Kulesza, këtë javë për të diskutuar pozicionin e tij.
68-vjeçari Santos është në detyrë që nga janari, pasi kaloi tetë vjet si trajner i Portugalisë. Polonia është e katërta në grupin e saj kualifikues të Kampionatit Evropian me pesë ekipe pas Shqipërisë, Republikës Çeke dhe Moldavisë, pasi humbi tre nga pesë ndeshjet e saj deri më tani.
Santos la rolin e tij si trajner i Portugalisë pas Kupës së Botës FIFA vitin e kaluar në Katar./Opinion.al
