Ka humbur jetën në një aksident tragjik këngëtarja e njohur rumune-kandeze, Anca Pop pasi makina e saj u zhyt në lumin Danub.
Trupi i këngëtares u gjet gjatë kërkimeve nga zhytësit dhe identiteti u konfirmua nga autoritetet e emergjencës. Autoritetet zbuluan trupin e Anças të hënën pasi zhytësit gjetën makinën e saj të zhytur në lumin Danub në Rumaninë jugperëndimore, ndërkohë policia ka nisur menjëherë hetimet për zbardhjen e ngjarjes.
Motra e 34-vjeçares telefonoi policinë për t’i njoftuar se këngëtarja rumune-kanadeze nuk shkoi në shtëpi të dielën.
Ndërkohë, Anca njihet për këngët pop dhe për hitet ‘Loco Poco’, ‘Super Cool’ dhe ‘Free Love’. Këngëtarja gjithashtu ka patur bashkëpunime me artistë të njohur si Gorgan Bregoviç.
Vdekja e saj e papritur vjen vetëm dy vjet pasi nxori albumin e vet të titulluar “Anca Pop”.
Në rrjete sociale, kanë filluar homazhet nga fansat që shprehin ngushëllimet e tyre për familjen.
Muzika e artistes së re mund të përshkruhet si një bashkim i Ballkanit dhe pop-it.
