Një person nga Mirdita ka humbur jetën në një aksident rrugor, ndërkohë që në mjet ka pasur ngarkese me drogë. Ngjarja në fjalë ka ndodhur gjatë natës. Viktima është Tonin Ndreca, i cili udhetonte ne nje rruge rurale mes Mirdites dhe Lezhes.
Mësohet se në makinë policia ka gjetur dhe sekuestruar 80 kg kanabis.
Informacion paraprak i policisë së qarkut Lezhë
Në rrugën rurale që lidh fshatin Kaçinar (Mirditë) me rrugën Kaluer (Lezhë), në një terren të theksuar malor, shtetasi T.N. 34 vjeç, banues në Mirditë, duke drejtuar mjetin e tij tip “Benz”, ka humbur kontrollin e mjetit duke rënë poshtë urës ku ka humbur jetën. Në mjet ndodhej vetëm drejtuesi. Nga kqyrja e mjetit, është gjetur dhe sekuestruar një sasi lënde e dyshuar narkotike cannabis sattiva. Grupi hetimor nën drejtimin e Prokurorisë vazhdojnë hetimet për zbardhjen e plotë të ngjarjes.
