“Huffington Post” ka publikuar një artikull kushtuar Shqipërisë. Ka qenë pikërisht Jaime Pozuelo-Monfort ai që ka bërë një analizë mbi gjendjen aktuale politike të Shqipërisë, ku shprehet se gjatë udhëtimit të tij në vendin tone, është takuar me një sërë politikanësh, CEO-sh, gazetarësh, ambasadorësh dhe nënvizon me shumë siguri, se sistemi ka dështuar në Shqipëri.
“Drama, qeverisja e keqe, pandemia e korrupsionit dhe nepotizmi do të shkatërrojnë vendin dhe shoqërine tashmë të lodhur, të hutuar, të humbur në tranzicionin për askund, ku drita është mekur nga errësira që prodhojne interesat partiake dhe ato ndërkombëtare. Shqiperia mund t’ja dalë, por jo me lojtarët dhe aktorët aktuale”, shkruan Monfort.
Sipas tij, administrata publike në Shqipëri nuk funksionon në bazë të meritokracisë, por në bazë të miqësive dhe lidhjeve të ngushta familjare dhe në këtë drejtim sundon mediokriteti dhe jo profesionalizmi.
Ai nënvizon gjithashtu se korrupisioni është një fenomen i cili po mbizotëron në të gjitha nivelet e shoqërisë shqiptare, duke filluar që nga të shtresat e pasura e deri tek ato më varfëra.
Jaime Pozuelo-Monfort sugjeron gjithashtu që Shqipëria, duhet patjetër të bashkëpunoj me vendet si Kosova, Maqedonia, Serbia, për të krijuar një rrjet shumë të fuqishëm ekonomik në Ballkan.
