Gazetari Artan Hoxha, ndërsa ka folur për arrestimet e kryera lidhur me atentatin ndaj prokurorit Arjan Ndoji, tregoi se në Dubai është takuar me Plarent Dervishaj, i shpallur në kërkim si organizator i ngjarjes.
“E kam takuar para disa mujash në Dubai, kur ishte i lirë. Dhe ai këmbëngulte që të dinte se kush janë autorët e ngjarjes së pare”, tha Hoxha.
“Kemi dhe plagosjen e e Plarent Dervishajt, në atë atentat duken dy autorë me kallashnikov që hapin zjarr. Sot jemi në fazën ku SPAK ka deklaruar se ka zbuluar autorët e vrasjes së atentatit ku humbi jetën Andi Maloku, shoferi i prokurorit, për këtë ngjarje akuzohet Plarent Dervishaj, i cili është në kërkim. U arrestua në Emiratet e Bashkuara dhe u la i lirë, unë e kam takuar në Dubai para disa muajsh kur ishte i lirë. Sigurisht që ai këmbëngulte mbi autorët e ngjarjes së parë. Goditja e fundit duket si një përpjekje e drejtësisë për të asgjësuar atë që njihet si grupi i Plarent Dervishajt. Janë arrestuar njerëz të afërm me të. Dashur pa dashur kjo goditje e SPAK kërkon të presë financimet e Dervishajt dhe të neutralizojë njohjet e tij”, u shpreh Hoxha ne News 24 me gazetaren Nisida Tufa.
Ndër të tjera gazetari tregoi edhe një episod kur forcat RENEA kanë shkuar në banesën e Plarent Dervishajt në Durrës dhe ku nëna e tij ka mundësuar një komunikim të të birit me oficerin e BKH-së.
“Ditën pas operacionit SPAK ka shkuar në banesën e Plarent Dervishajt në Durrës dhe ka gjetur nënë ne tij 73-vjeçare të vetme e cila është trembur. Ka qenë BKH dhe forcat RENEA dhe ajo ka folur me të birin, ku Dervishaj ka folur me oficerin e BKH-së. Njerëzit që duhet ta arrestonin atë flasin me të direkt. Ai i pyet me çfarë vendimi kanë ardhur dhe ata e kanë treguar. Ai u ka kërkuar pse nuk sulmojnë se kush e ka bërë atentatin ndaj tij. Goditja e Plarent Dervishajt është një goditje me sfond politik. Ai është goditur për herë të parë para zgjedhjeve parlamentare dhe po goditet tani para zgjedhjeve lokale. Unë uroj të jetë thjesht rastësi dhe të mos kenë lidhje. SPAK duhet të zbulojë se kush është përfshirë në atentatin ndaj Dervishajt, të cilët më rezultojnë me lidhje shumë të forta politike”, tha Hoxha./Opinion.al
