Andrea Toshi, babai i 41-vjeçarit Naum Toshi, i cili në orët e para të mëngjesit të së hënës së kaluar mbyti me tel, fëmijët 4 dhe 7 vjeç dhe më pas vari veten, ishte sot në studion e emisionit “Me zemër të hapur” ku ka deklaruar se e kishte paralajmëruar të birin me fjalët: Marsela do të ta hajë kokën. Ai këmbëngul se krimin nuk e ka kryer i biri, Naumi.
Natën e krimit Marsela Toshi, nga të dhënat në sistemin TIMS në kufi provohet se ka hyrë në orën 02:00 dhe ka dalë sërish në orën 05:00 të mëngjesit nga Kapshtica për në shtetin grek.
Sipas babait, ka pasur një dëshmitar fqinj i çiftit që ka parë 3 veta që kanë hyrë në shtëpi dhe më pas e kanë pritur poshtë pallatit Marselën.
“Kanë qenë fqinjët që kanë thënë se se Marsela atë natë është parë në banesë dhe ka pasur të tjerë që e prisnin me makinë, dëshmitarin nuk e njohim, por i kemi dëgjuar në lagje. Të pyetur pse nuk kanë reaguar natën e krimit, fqinjët kanë thënë se këto zënka në banesë ndodhnin shpesh në këtë banesë dhe s’mendonin se do ndodhte kjo tragjedi”.
Po ashtu në studio i ati i Naumit tha edhe se familja e tij ndjehet e kërcënuar.
“Ndjehemi të kërcënuar, vijnë dy lloj makinash një me targa greke një me targa shqiptare. Unë nuk trembem nga trimat kë ka ajo tutor, s’duam ta dimë ajo të dënohet se u vranë dy fëmijë. Ajo makinë me targa greke është parë edhe tek varrezat, atë natë Marsela është larguar me këtë targë dhe vjen vërdallë këto ditë”.
Familja e 41-vjeçarit hedh akuza të forta mbi Marselën, duke nënvizuar se ajo e ka kryer krimin.
Pjesë nga intervista
Si ndihesh, ke qenë edhe dëshmitari i parë?
Andrea: Unë jetoj në shtëpinë e çupës, djali jetonte në shtëpinë time. Vajta të hapja pulat dhe gjeta letrën. (qan)
Kur e kishe takuar?
Në mbrëmje e kisha takuar. Më tha thuaj motrës të vijë të më bëjë një lakror.
Cila ishte biseda e fundit me Naumin?
Vetëm këtë. Qëkur e mori i thashë do të hajë kokën. Kishte 5 vjet i martuar.
Ju nuk e keni dashur asnjëherë Marselën?
E kemi dashur si nuk e kemi dashur. E kemi trajtuar më mirë se 3 nuset e tjera. Kur iku në Greqi, ajo tha do iki dhe unë baba. Do iki në një vend dhe erdha. Prit 2 e prit 3 orë e hiç. Fëmijët loznin. I thashë ç’u bëre. Nuk më ktheu përgjigje. I shkova pas i thashë pse smë kthe përgjigje, ku ishe. Brodha tha. S’të vjen turp si flet kështu.
Kur erdhi djali i thashë. Ikën të dy e folën, se di çfarë bënë. Që atë ditë nuk pija kafe më me ata. Shkoja tek djali tjetër.
Ju nuk flisnin më me të?
Flisja me ta por nuk pranoja të pija më kafe me ta.
Si ishte marrëdhënia e tyre, si shkonin?
Ata shkonin shumë mirë. Por kur ika unë, ajo kishte zënë një dashnor, ngjitur me shtëpinë e djalit tjetër. Ajo bënte tërë marifetet. Një ditë e ruan djali dhe i thotë, u zunë.
Sa kujdesej Marsela për fëmijët?
Ajo 4 ditë u largua nga shtëpia. Ajo denoncoi në polici në Greqi se Naumi e kishte goditur. I mbante djali tjetër që është andej fëmijët.
A u dënua Naumi pas denoncimit?
Jo, nuk u dënua.
A punonte Naumi?
Po punonte, si qeni. Djali më i mirë. Marsela nuk ka pirë ujë por amita.
Po Marsela a punonte?
Jo asnjëherë.
Kushëriri: Naumi ka patur 4 mln lekë në bankë, 2 mln ia ka dhënë Marselës. Nuk kanë pasur probleme ekonomike. Ka punuar pak kohë në duhan. Pastaj u mbyll dhe nuk punoi më.
Ju thoni se nuk e ka kryer Naumi krimin?
Jo nuk e ka kryer ai. Natën e krimit kanë qenë 3 veta që nuk i njohim në banesë. E kanë parë fqinjët që kanë thënë se Marsela ka qenë natën e krimit në shtëpi dhe jashtë e priste një makinë.
Pse nuk u lejua Marsela në varrim?
Nuk e ndaloi njeri. Ishte familja e Marselës në varrim. Ata kishin ardhur dhe kishin frikë të hynin. Dola i futa brenda. Nëna e Marselës ka qarë. I thashë çfarë kishte ndodhur. I çuam edhe tek varret dhe vunë nga një lek hekuri në varr. Kunati qëndroi me mua në shtëpi.
