Në fshatin Karbunarë është gjetur një kafkë e dekompozuar, që i përket trupit të një njeriu.
Nga të dhënat e para mësohet se kafka është nxjerrë nga kafshët, ndërsa është konstatuar nga një bari.
Kafka është dërguar për ekzaminim, ndërkohë që po kërkohet për trupin në zonën e Karbunarës.
Disa metra nga vendi ku është gjetur kafka janë varrezat e zonës së Karbunarës dhe nuk përjashtohet mundësia që rasti të jetë aksidental, pasi sipas banorëve të zonës toka ka pësuar disa herë rrëshqitje.
Megjithatë policia e qytetit bregdetar ka nisur hetimet për ngjarjen.
