Një aksident i rëndë ajror ka ndodhur në afërsi të Londrës, në rajonin Buckinghamshire. Një avion i vogël dhe një helikopter janë përplasur në ajër dhe nga të dhënat e para flitet për 4 viktima. Ngjarja e rëndë ka ndodhur në afërsi të rezidencës historike Waddeston Manor të administruar e Fondacioni Rothschild, që i përket kësaj familjeje.
Nuk ka ende asgjë zyrtare, por mediat raportojnë se viktima kanë mbetur pilotët, që ishin nga dy në secilin mjet fluturues.
Pjesët (mbetjet) kanë rënë në zonën e pyllëzuar afër ndërtesës historike. Forca të shumta policie e zjarrfikëse janë në vendin e ngjarjes. Të dy avionët e përfshirë në aksident ishin nisur nga Wycombe Air Park dhe po fluturonin në lartësi të ulët, afro 1000 m. Ende nuk dihet asgjë se çfarë e shkaktoi aksidentin.
Ndërtesa historike Waddesdon Manor në Buckinghamshire është ndërtuar në 1874 nga Baron Ferdinand de Rothschild. Tani menaxhohet nga Fondacioni Rothschild dhe ka me mijëra vizitorë çdo vit. /Opinion.al
