Dashi – Kujdesuni më shumë për shëndetin dhe bëni kujdes me ushqimin. Kohët e fundit keni abuzuar me trupin. Përpiquni të mbani një dietë ushqimore më të rregullt dhe bëni aktivitet fizik.
Demi – Dita do të jetë disi e tensionuar, duke bërë që të krijohen konflikte që nuk i prisnit. Mos i nënvlerësoni ndjenjat e të tjerëve dhe përballuni me çdo situatë. Të gjithë bëjmë gabime.
Binjakët – E dini më mirë se kushdo tjetër çfarë është më e mira. Mos kini frikë nga asgjë dhe mos i lejoni dyshimet që t’ju konsumojnë. Nëse nuk ju duket momenti i duhur për të ndërmarrë një hap mos u shqetësoni, nesër dita rezervon mundësi të tjera.
Gaforrja – Mos u tregoni gjithnjë mosbesues ndaj të tjerëve vetëm sepse nuk i njihni. Duhet të ndalni së jetuari me frikë. Tregohuni më aktivë dhe të përballuni me njerëzit. Me mirësjellje dhe qetësi do të bëni për vete çdo njeri.
Luani – Ka shumë faktorë që do të përpiqen t’ju lëkundin, ndaj është e nevojshme të tregoheni të vendosur dhe me vetëbesim. Kujdesuni që t’i shprehni emocionet tuaja, në të kundërt do të manifestohen vetë duke shkaktuar më shumë dëm.
Virgjëresha – Fantazma të së shkuarës mund të shfaqen sot dhe kjo mund të bëhet shkak për një situatë disi të trazuar. Por mos i lejoni ndjenjat negative t’ju pengojnë që të shprehni hapur mendimet. Tregohuni besimplotë se do t’ia dilni dhe do të jeni të suksesshëm në rrugën që do të zgjidhni për të ndjekur.
Peshorja – Një forcë e madhe mund të cënojë egon tuaj, ndaj mos u suprizoni nëse do ta gjeni veten të mbushur emocionalisht. Konfliktet kanë tendencën të shfaqen kur nuk jeni të sinqertë me veten.
Akrepi – Një ndjenjë qetësie do t’ju pushtojë përgjatë gjithë ditës, pavarësisht se do të përballeni me elementë që do të përpiqen ta trazojnë këtë gjendje. Bëni kujdes, pasi do të jeni të rrethuar nga njerëz me tendencën për të shpërthyer.
Shigjetari – Mendime që keni kohë që i bluani nga brenda kanë tendencën të dalin në pah sot. Mos u suprizoni nëse do të përfshiheni në debate, është pasojë e veprimeve tuaja. Të mbajturit inatin brenda, sjellja kritike dhe kokëfortësia që ju karakterizon do të bëjnë që të përplaseni me të tjerët.
Bricjapi – Mos u suprizoni nëse gjërat nuk shkojnë sipas planit. Ngjarje të papritura ka shumë gjasa që të ndodhin, duke shqetësuar rrjedhën e veprimeve tuaja. Duhet të kuptoni se edhe kjo është pjesë e jetës dhe ndodh për një arsye.
Ujori – Kujtoni gjithmonë që t’i bëni me dashuri gjërat që ju pëlqejnë dhe në të cilat besoni. Dashuria ju buron nga shpirti dhe askush nuk mund t’i rezistojë kësaj.
Peshqit – Veprimet që do të bëni sot do të kenë efekte afatagjata, ndaj tregohuni të ndërgjegjshëm për mënyrën sesi do ta përdorni energjinë tuaj. Përfshini idetë e vjetra dhe ato të reja për planin që keni në mendje./tvklan.al
