Dashi – Nëse ndjeni diçka nuk do t’i rezistoni tundimit pa e thënë, edhe nëse dilni nga vetja e përpiqeni që ta fshihni me çdo kusht. Sot ndjenjat do të shkaktojnë reagime të menjëhershme, që do të thotë se do të bënit mirë që t’i paralajmëroni ata që keni përzemër. Ndoshta nuk është dita më e mirë për t’u shoqëruar me njerëz.
Demi – Jemi në prag festash ndaj mos u kurseni dhe dhurojini atyre që keni pranë diçka. Nuk ka nevojë të shpenzoni shumë, mjafton që të tregoni që keni menduar për ta.
Binjakët – E mbani mend herën e fundit që morët një ditë pushim sepse e ndjenit të nevojshme? Mesiguri ka kaluar shumë kohë. Nëse prania juaj nuk është e nevojshme në punë, bëjeni pushim dhe mos u ndjeni fajtorë. Ju duhet pak kohë për të pushuar.
Gaforrja – Ndjenjat që keni kundrejt dikujt është momenti që t’i shfaqni hapur. Ndaj kur të vijë momenti dhe t’ju pyesin se çfarë mendimi keni për një situatë të caktuar mos nguroni, thoni atë që keni në mendje.
Luani – Ëndrrat, nostalgjia dhe mendimet se sa bukur ishin gjërat dikur do të vërtiten në mendje sot, por përpara se të përhumbeni në mendime të tilla, kujdesuni që të kujtoni gjithçka siç ishte në të vërtetë, jo me zemër, por me mendje. Ndonjeherë kur koha kalon, anët negative janë më të lehta për t’u harruar.
Virgjëresha – Impulsi i parë do të jetë që të thoni ekzaktësisht atë që keni në mendje dhe kjo nuk është aspak ide e keqe. Nga ana tjetër, nëse ekziston mundësia që të numëroni deri në dhjetë dhe të prisni pak sekonda përpara se të përgjigjeni, edhe kjo mund të mos jetë ide e keqe. Në këtë mënyrë nuk do të rrezikoni që të lëndoni ndjenjat e të tjerëve.
Peshorja – Mos e humbi durimin dhe vazhdoni të bëni të njëjtën gjë që keni bërë gjithë këto kohë. Ndonëse të tjerët mund të mos e kuptojnë rëndësinë dhe rolin tuaj në gjithçka, shumë shpejt kjo do të ndryshojë dhe do të jenë tepër mirënjohës.
Akrepi – Bëni kujdes, pasi momentalisht paratë kanë shumë rëndësi. Do të jetë shumë e lehtë për ata që ju njohin që të përfitojnë. Përpara se të merrni çdo vendim apo të firmosni diçka merrni më parë mendimin e dikujt që i besoni.
Shigjetari – Të gjithë ata që ju rrethojnë po ndjenjë atmosferën festive, por sigurisht në këtë fushë ju jeni eksperti. Dini gjithnjë çfarë dhurate të bëni dhe mënyrën sesi ta dorëzoni, megjithatë nuk ka nevojë t’ia bëni qejfin të gjithëve. Fokusohuni tek ata që keni më përzemër.
Bricjapi – Padyshim që kjo e sotmja është një ditë e rrethuar nga miq të mirë, madje e mbushur edhe me supriza. Bëhuni gati, njohje interesante ju presin.
Ujori – Mos e shpërfillni intuitën, as sot as kurrë. Me këtë në mendje, nëse përballeni me dikë tepër tërheqës, keni për detyrë që të shihni me kujdes çdo detaj.
Peshqit – Herë pas here ju duket sikur marrëdhëniet me të tjerët nuk shkojnë pasi ju kanë “mallkuar”. Kjo ndodh kur gjërat nuk shkojnë siç do të donit. E vërteta është që kur ndodheni përballë situatave të përfshira nga emocionet, nuk i shihni gjërat qartë dhe keni tendencën për të keqkuptuar sinjalet që ju vijnë./tvklan.al
