Dashi – Shumë punë që do të duhet t’i mbyllni në kohë do të bëjnë që sot dita të jetë tepër e ngarkuar. Do t’ju duhet të tregoheni të duruar e të punoni me të tjerët për t’ia dalë në kohë. Në mbrëmje jepini vetes mundësinë për t’u qetësuar.
Demi – Keni plane të mëdha dhe ëndrrat mund të bëhet pengesë për të bërë siç duhet punën. Mos u stresoni, pasi gjithnjë ia keni dalë mbanë. Ndërkohë bëni mirë që planet t’i shtyni për një kohë tjetër.
Binjakët – Është vërtetë e bezdisshme kur puna futet në mes të jetës sentimentale. Sot kjo do të bëhet shkak për nervozizëm. Mendjen do ta keni tek mbrëmjet dhe planet për fundjavën, ndërsa puna qëndron mbi tavolinë. Mos u shqetësoni, me përkushtim mund t’ia dilni.
Gaforrja – Sot bëni mirë që të nisni nga puna e të vini në jetë planet që thurni prej kohësh. Bëni pagesat që duhet, mbyllni çfarë ka mbetur në punë dhe përkushtojuni planeve për të ardhmen.
Luani – Rrezikoni që emocionet t’ju turbullojnë shikimin sot. Mos u shqetësoni, gjithçka do të marrë zgjidhje. Zgjidhni situatat me inteligjencë dhe jepini prioritet gjërave që kanë rëndësi. Mos e lini familjen pas dore, meritojnë pak kohë nga ju.
Virgjëresha – Sot do të merrni një lajm të mirë që lidhet me financat. Kjo nuk do të thotë se duhet t’ia gjeni parave vendin menjëherë. Nëse nuk bëni kujdes mund ta gjeni veten shumë shpejt aty ku e nisët. Bëni një listë dhe llogarisni çdo shpenzim për të evituar çdo humbje të padobishme.
Peshorja – Do të surprizoheni sesa të kthjellët e krijues do të jeni sot. Çdo gjë që do të kaloni nëpër duar do të jetë një punë e çmuar. Java ka nisur mbarë, plot energji, shfrytëzojeni. Sa i përket jetës sentimentale, shpenzoni më pak kohë duke menduar e veproni më shumë.
Akrepi – Sot do ta gjeni veten në konflikt mes dëshirave dhe detyrimeve. Nëse e menaxhoni kohën në mënyrë inteligjente mund t’i përmbushni të dyja. Mos e stresoni veten për të arritur gjithnjë e më shumë, ndonjëherë mjafton pak punë për të bërë gjëra të mëdha.
Shigjetari – Mbani gjithnjë në mendje që nuk ka asgjë të pamundur dhe me vullnet mund të arrini gjithçka. Pavarësisht se mund ta gjeni veten të ndarë mes punës e familjes, mos u shqetësoni, do t’ia dilni për të përmbushur çdo detyrim. Bëni kujdes me financat, pasi këtë muaj mund të keni probleme me to.
Bricjapi – Si jeta personale ashtu edhe ajo sentimentale shkojnë shumë mirë, e kjo do të jetë një arsye shumë e mirë për të justifikuar energjinë pozitive që do t’ju karakterizojë sot. E vetmja gjë që do t’ju demoralizojë disi do të jetë puna e tepërt që ju pret në zyrë.
Ujori – Mos e vrisni mendjen nëse opinionet që keni për tema të caktuara do të krijojnë debate. Argumentet nuk ju mungojnë dhe respekti që keni për mendimin e të tjerëve është ai që ju dallon nga të tjerët. Mos pranoni mendime që ju kundërshtojnë vetëm sepse nuk mund të pranojnë argumentet tuaja.
Peshqit – Miqtë dhe paratë rrallë herë janë kombinim i mirë. Një mik sot do t’ju kërkojë para borxh. Mendohuni mirë përpara se të thoni po. Shpesh paratë bëhen shkak për konflikte të panevojshme. Bëni mirë që të shpenzoni pak më shumë kohë me familjen, shpesh nuk jeni aty kur ata kanë më shumë nevojë.
