Dashi – Dilni nga guaska dhe merrni situatën në dorë. Mund të keni dëshirën për të qenë të kujdesshëm dhe neutralë, megjithatë situata të tilla shpesh mund të kthehen mbrapsht dhe të kenë pasoja negative. Riparoni çdo gjë që mund të jetë thyer me ata që ju rrethojnë, pasi iu duhen aleancat.
Demi – Nëse ju ka ardhur në majë të hundës duke dëgjuar ankesat, mos u tregoni më kaq të disponueshëm. Të qenit dashamirës është padyshim cilësi e mirë, megjithatë kjo nuk duhet ta kalojë masën pasi rrezikoni të kaloni në hipokrizi. Nëse vërtetë dëshironi të ndihmoni njerëz jepni këshilla dhe zgjidhje që mendoni se janë të duhurat. Në të kundërt mos kini frikë të ndryshoni temë.
Binjakët – Lëreni të shkuarën që t’ju frymëzojë. Në vend se të kërkoni gjatë gjithë kohës gjëra të reja, mësoni që t’i jepni një rifreskim të vjetrave dhe të transformoni atë që keni. Sot ju pret një ditë që do të kërkojë fantazi dhe që mund të rezervojë rezultate mjaft interesante.
Gaforrja – Keni kohë që dëshironi të bëni ndryshime në shtëpi, e ndoshta tani është momenti i duhur. Të ardhurat financiare janë të mira. Nga ana tjetër, aftësia për të shndërruar edhe sendet më të lira në diçka të bukur nuk ju mungon. Sot do të keni gjithashtu një bisedë të rëndësishme me dikë që vlerësoni, rezultatet e të cilës do t’i merrni vesh pasdite.
Luani – Mos i lejoni të tjerët të ndërhyjnë në jetën sentimentale. Vendosini pikat mbi “i” dhe tregojuni se e keni situatën në dorë dhe se nuk keni nevojë për ndihmën e askujt. Nëse vërtetë keni nevojë për ndihmë atëherë besojuni miqve të ngushtë. Në punë kërkoni më të mirën nga ata që ju rrethojnë, në këtë mënyrë rezultatet do të jenë edhe më të larta.
Virgjëresha – Mund të mendoni se i keni të gjitha përgjigjet, por nëse nuk ju kërkojnë mendim kjo do të thotë se nuk janë të interesuar. Një takim me një mik të vjetër do të bëjë që të merrni vesh një sekret që do të dëshironit të mos e kishit dëgjuar. Megjithatë, merreni lehtë, fundja nuk ka përse t’ju rëndojnë problemet e të tjerëve.
Peshorja – Keni diçka të madhe për të ndarë me të tjerët? Tregohuni të drejtpërdrejt dhe flisni me për atë që mendoni dhe që besoni se është e drejtë. Bëni kujdes në marrëdhëniet në punë. Mos lejoni që t’ju drejtojnë, jeni ju që e keni situatën në dorë dhe kjo duhet të vazhdojë të qëndrojë e tillë.
Akrepi – Luhatjet e humorit nuk do të luajnë një rrol pozitiv sot, sidomos në punë. Përpiquni të tregoheni të vetëpërmbajtur dhe të gjeni shkakun. Kur t’ia keni dalë, përballuni me këto që po ju shkakton këtë gjendje stresi. Ditëve të lodhshme në punë shumë shpejt do t’i vijë fundi.
Shigjetari – Nëse shihni diçka që nuk ju pëlqen, mos e mbani gojën e mbyllur. Ndoshta nuk dëshironi që të ndërhyni, megjithatë nëse vijoni në këtë mënyrë, do të shihni se varka do të mbytet para syve. Bëni diçka sa ka ende kohë. Sigurisht njerëzit nuk do të bëjnë gjithçka që thoni, por mendimi juaj është i rëndësishëm.
Bricjapi – Ka ardhur koha që të largoheni nga disa njerëz. Nuk po sjellin asgjë pozitive dhe po shkaktojnë vetëm probleme dhe përplasje me ata që ju rrethojnë. Vetëm sepse keni kohë që i njihni, mos lejoni që persona të caktuar të kontrollojnë jetën tuaj dhe të ndërhyjnë në rrethin shoqëror, apo edhe në punë.
Ujori – E gjithë kjo javë do t’ju gjejë me humor pozitiv dhe tepër të qetë. Kjo do të reflektohet si mendërisht ashtu edhe fizikisht. Mbrëmjet jashtë do të jenë interesante, pasi do të keni mundësinë të takoni njerëz të rinj. Pse jo, nëse jeni vetëm kjo javë mund të sjellë ndryshime të rëndësishme.
Peshqit – Deri më tani keni mbajtur rolin e atij që vëzhgon e dëgjon. Ka ardhur koha të ndryshoni strategji dhe të merrni situatën në dorë. Lërini të tjerët t’ju njohin dhe të kenë mundësinë të bashkëveprojnë me ju. Shpesh bashkëpunimi është çelësi drejt suksesit
