Me iniciativën ligjore kundër terapisë së detyruar ndaj homoseksualëve, ministri gjerman i shëndetësisë Spahn dha një sinjal të qartë dhe të rëndësishëm, që homoseksualët vijojnë të diskriminohen, madje të shihen si të sëmurë.
“Homoseksualiteti nuk është sëmundje dhe prandaj nuk ka arsye për terapi për të,” njoftoi Spahn, duke konkretizuar planet e tij për të ndaluar ato trajtime në Gjermani.
Hahn shtoi se ai që vazhdon të ofrojë të ashtuquajturat “terapi konvertimi” duhet të dënohet me heqje lirie deri në një vit ose me gjobë të lartë.
Disa mijëra të rinj dhe të rritur mjekohen çdo vit me synimin që të ndryshohet identiteti i tyre seksual. Këto trajtime shpesh shoqërohen me pasoja shumë të njohura si depresion, çrregullime ankthi dhe një rrezik shumë më të lartë për vetëvrasje.
Ndërkaq në rreth një të tretën e vendeve të botës, aktet homoseksuale kategorizohen si krime dhe homoseksualët në shumë vende si Afganistani, Irani, Jemeni, Pakistani, Arabia Saudite ose Sudani kërcënohen nga dënimi me vdekje./Opinion.al
