Sandra Bullock, Beyonce, Jennifer Lopez, Alex Rodriguez, Nicki Minaj, Dwayne “The Rock” Johnson, Chris Brown, T.I. dhe shumë personazhe të tjerë të njohur hollivudianë kanë dhënë kontributin e tyre për të prekurit nga uragani “Harvey”, në Houston.
Beyonce shkroi në një postim: “Zemra ime është në qytetin tim të lindjes, Houston, dhe unë po lutem vazhdimisht për ata që janë prekur dhe për shpëtuesit që kanë qenë kaq të guximshëm dhe të vendosur për të bërë kaq shumë për të ndihmuar. Po punoj ngushtë me ekipin tim për të zbatuar një plan për të ndihmuar sa më shumë që të mundemi”. Ndërsa aktorja Sandra Bullock ka dhuruar 1 milion dollarë, për të ndihmuar familjet e viktimave të uraganit.
Shumë emra të tjerë të njohur të ekranit kanë dhuruar para në Kryqin e Kuq Amerikan, pas përmbytjeve shkatërruese në Hjuston të Teksasit.
Mes personazheve të tjerë që zotohen për mbështetje në Teksas janë edhe Kevin Hart, Kim Kardashian West, Lin-Manuel Miranda, DJ Khaled dhe Nicki Minaj.
Kompania “Walt Disney” gjithashtu ka dhuruar 1 milion dollarë.
