Një 28-vjeçar me inicialet K.M., banues në Mamurras është vënë në pranga këtë të shtunë nga policia.
Uniformat blu bëjnë me dije se në afërsi të fshatit Shëmri, Kurbin, oficerët e Policisë sinjalizuan për të ndaluar, automjetin që drejtonte i riu.
28-vjeçari sapo ka parë shërbimet e Policisë, ka hedhur nga dritarja e automjetit, një armë zjarri pistoletë me fishekë në të, të cilën e posedonte pa leje. Shërbimet e Policisë e gjetën armën e zjarrit dhe e sekuestruan me cilësinë e provës materiale.
28-vjeçari akuzohet për veprën penale “Mbajtja pa leje dhe prodhimi i armëve, armëve shpërthyese dhe i municionit.”
Në vijim të veprimeve procedurale për këtë rast u referuan materialet në Prokurori ku nisi procedimi në gjendje të lirë, për veprën penale “Moskallëzimi i krimit”, për 4 pasagjerët në automjetin që drejtonte 28 vjeçari, shtetasit E.R., 40 vjeç, banues në Mamurras., A.XH., 45 vjeç, banues në Mamurras, B.M., 56 vjeç, banues në Prishtinë, Z.K., 50 vjeç, banues në Mamurras.
Materialet procedurale iu referuan Prokurorisë, për veprime të mëtejshme.
