Tre persona kanë rënë në prangat e policisë së Fierit, pas akuzohen se qarkullonin të armatosur me pistoleta.
Bëhet me dije se të arrestuarit janë Bashkim Ahmeto, Rudolf Kuçi dhe Brajan Kuçi, këta vte fundit vëllezër.
Policia njofton se bazuar në inteligjencën polciore, efektivët e Fierit, në bashkëpunim me sherbimet e Forcës së Posaçme “Shqiponja” organizuan operacionion policor të koduar “Armed”.
Si rezultat i operacionit, shërbimet e Policisë kapën dhe arrestuan në flagrancë në fshatin Fermë Çlirim, Bashkim Ahmeton, Rudolf Kuçin dhe Brajan Kuçin, të tre banues në fshatin Sulaj, Fier.
Këta spersona qarkullonin të armatosur dhe në momentin që kanë parë shërbimet e Policisë, kanë tentuar të largohen dhe të fshehin armët duke i hedhur në një zonë me bimësi, por nuk kanë mundur dot të largohen pasi janë kapur nga shërbimet e Policisë.
2 armët e zjarrit pistoleta janë gjetur dhe janë sekuestruar në cilësinë e provës materiale. Ato do të dërgohen në Institutin e Policisë Shkencore, për ekzaminime të mëtejshme, për të parë nëse janë përdorur në ndonjë ngjarje kriminale të ndodhura më parë.
Në vijim të veprimeve procedurale, shërbimet e Policisë kanë sekuestruar në cilësinë e provës materiale edhe 2 automjete të blinduara, që u gjetën gjatë kontrollit të ushtruar në një subjekt (karburant).
Vijon puna hetimore për dokumentimin e plotë të veprimtarive kriminale të këtyre shtetasve.
Materialet procedurale i kaluan Prokurorisë pranë Gjykatës së Shkallës së Parë të Juridiksionit të Përgjithshëm Fier, për veprime të mëtejshme.
