Dy shpërthime të fuqishme tronditën qytetin e Fushë-Krujës gjatë natës së djeshme.
Nëse për shpërthimin e ndodhur në garazhin e një pallati në pronësi të një polici, nuk ka ende autor, për ngjarjen e dytë të ndodhur në një mobileri në Nikël, policia ka arrestuar dy persona.
Sipas Policisë lokale, për tritolin në mobilerinë në pronësi të shtetasit Enver Cani, është ndaluar në flagrancë shtetasi me iniciale B. K.
Ndërsa është në kërkim shtetasi tjetër me inicialet D. Xh.
Gjatë kontrollit në banesë, personit të dyshuar iu gjetën edhe një sasi lënde narkotike kanabis.
Po kështu Policia e Krujës bën më dije se lidhur mbi ngjarjen janë në kërkim edhe dy persona të tjerë, por pa bërë të ditur identitetin e tyre. D.L
