Dy persona janë arrestuar nga policia në Konispol gjatë një aksioni policor anti-drogë, ku po transportonin me makinë një sasi prej 2.21 kg kanabis.
Sipas uniformave blu mësohet se të rinjtë me iniciale J.A. 20 vjeç dhe F.Ll. 23 vjeç ndaluan makinën pranë një lavazhi në fshatin Vrin dhe në momentin kur panë policinë 20-vjeçari hodhi nga mjeti lëndën narkotike.
”Në kuadër të operacionit policor të koduar “Fokus 8”, janë sekuestruar 2.21 kg cannabis sativa, 2 automjete dhe 2 celularë.
Në pranga është vënë një 20-vjeçar me iniciale J. A. që transportonte lëndën narkotike, si dhe një 23-vjeçar me iniciale F. Ll., që e shoqëronte dhe kishte dijeni për veprimtarinë e tij kriminale.
Në afërsi të fshatit Vrin, ata ndaluan automjetet e tyre pranë një lavazhoje dhe në momentin kur vunë re shërbimet e Policisë, 20-vjeçari ka tentuar ta fshehë lëndën narkotike duke e hedhur nga automjeti i tij, por u arrestua së bashku me “kolegun” e tij”, njofton policia.
Materialet procedurale i kaluan Prokurorisë pranë Gjykatës së Shkallës së Parë të Juridiksionit të Përgjithshëm Sarandë, për veprime të mëtejshme./Opinion.al
