Monowi, është një fshat i braktisur në Nebraska të SHBA-së. Aty jeton vetëm një zonjë, e cila nuk ka preferuar që të largohet nga shtëpia e saj. Në vitet ’30, fshati në fjalë numëronte rreth 130 banorë, por me zhvillimin ekonomik, fshatrat u braktisën dhe të rinjtë kërkonin që të jetonin në qytete të mëdha për të gjetur një të ardhme më të mirë.
Në vitet 2000, në Monowi mbetën vetëm 2 banorë, domethënë një çift të martuarish. Kur burri i zonjës vdiq në vitin 2004, ajo vendosi që të qëndrojë në vendin e saj, edhe pse ishte banorja e fundit që kishte mbetur aty.
Duhet të jetë e çuditshme që të jetosh në një vend të braktisur, por zonjës nuk i bën përshtypje. Natyrisht që ajo është edhe kryetarja e Bashkisë dhe drejton një restorant e bibliotekë. Gruaja i shet produktet e saj tek vizitorët, të cilët janë të shumtë që vinë në këtë fshat surreal.
Çdo vit, ajo vetë-zgjidhet kryetare Bashkie, vetë-rinovon licencën për pijet alkoolike, ngrenë taksat dhe i paguan, në mënyrë që të investojë për mirëmbajtjen e rrugëve.
