Një bebe e veshur me të bardha që mbahej në krahë nga nëna e saj spikaste ndjeshëm në dyert e burgut të grave.
Foshnja 4-muajshe erdhi në jetë brenda këtij burgu dhe “u lirua” dje bashkë me nënën, që vuante dënimin për vjedhje.
Alketa Shahini, 33 vjeçe, pjesë e komunitetit rom thotë për gazetën “Shqip” se foshnja u ngjiz brenda burgut, gjatë takimeve speciale me të shoqin.
Alketa ishte arrestuar 2 vjet më parë për vjedhje dyqanesh në Tiranë, pasi u kap bashkë me dy gra të tjera në ish-Bllok. Në total ato kishin vjedhur 40 palë fustane dhe 40 palë xhinse.
Atë, dje e priste bashkëshorti dhe pjesa tjetër e familjes. “Nuk vjedh më jo, tani do bëj jetë normale, do punoj si të tjerët.
Falenderoj të gjithë stafin e burgut se ia kemi kaluar shumë mirë”-thotë ajo. /gazeta shqip/
