Burgim të përjetshëm vendosi një muaj më parë gjykata e Riminit për Dritan Demiraj, bukëpjekësi 30-vjeçar shqiptar, akuzuar për vrasjen e ish-të dashurës së tij Lidia Nusdorfi dhe të fejuarit të saj Silvio Mannina.
Pak ditë më vonë, konkretisht dje, shqiptari masakrohet në qeli nga një ish-boksier që e ka bërë për spital dhe ndodhet në gjendje kritike për jetën.
“Panorama” zbardh detajet nga procesi i fundit gjyqësor ndaj Demirajt, deklaratat e tij para trupës gjykuese.
I fejuari i gruas qe u vra nga shqiptari
Nga dosja hetimore, mësohet se shqiptari e kishte therur në fyt ish-të dashurën e tij në stacionin e metrosë në Mozzate, ndërsa Silvio Mannina, u torturua, vra dhe më pas u varros në një gurore në Rimini për shkak se ai kishte nisur një raport dashurie me Lidian, ish-e dashura e shqiptarit me të cilin kishte edhe një djalë.
30-vjeçari ka pranuar në gjykatë autorësinë e krimit. Dritan Demiraj tha se nuk e kishte pranuar ndarjen nga e dashura, duke kryer vrasjet në shenjë hakmarrje.
“Lidia më tradhëtoi dhe më poshtëroi, unë u çmenda”, ka deklaruar ai.
Për prokurorinë, shqiptari, i cili ka punuar për vite në një furrë buke në Romagna, e kishte planifikuar mirë vrasjen e ish-të dashurës dhe partnerit të ri të saj.
Pasi ishin ndarë, gruaja bashkë me djalin, kishte lëvizur në Milanese në përpjekje për të nisur nga e para jetën e tyre.
Dritani përmes mashtrimit i la një takim në Stacionin e Mozzate mbrëmjen e 1 marsit të vitit 2014.
Kur ajo mbërriti tek nënkalimi, ai e theri për vdekje.
I verbuar nga xhelozia, Dritani thuhet në dosjen hetimore të akuzës, vendosi të eleminonte edhe të dashurin e ri të saj, Manninën.
Në Romagna, i riu nga Bolonja ishte rrëmbyer nga Dritani dhe dërguar në një apartament në të cilin u rrah, torturua dhe më pas mbyt.
Trupi i Silvios ishte varrosur më pas në një gurore të braktisur pak kilometra nga Rimini, ku u gjet vetëm pas dy muajsh nga ngjarja.
Shqiptari e ka pranuar edhe këtë vrasje të dytë dhe kishte rrëfyer ku e kishte fshehur trupin.
Dritan Demiraj u arrestua nga policia italiane më 3 mars të vitit 2014./ Corriere/Panorama
