Këngëtari i njohur, Elton John, ka kujtuar një episod në një festë për ish-kreun e Walt Disney Studios, Jeffrey Katzenberg ku aktorët Richard Gere dhe Sylvester Stallone thuajse u përplasën fizikisht për princeshë Dianën.
Sipas John, princeshë Diana ishte shumë e dëshiruar nga meshkujt e njohur të Hollivudit.
“Richard Gere dhe Diana dukeshin shumë në humor me njëri-tjetrin”, shkruan John, duke shpjeguar se në atë kohë, Diana ishte ndarë nga Princi Charles ndërsa Richard Gere i kishte dhënë fund marrëdhënies së tij me Cindy Crawford.
Por duket se miqësia mes princeshës Diana dhe aktorit Richard Gere nuk i pëlqente aspak aktorit Sylvester Stallone.
“Unë mendoj se ai erdhi në festë me qëllimin e qartë për t’u afruar me Dianën, por pa se planet e tij u shkatërruan. Pas darkës, Diana dhe Richard Gere rifilluan aty ku e kishin lënë dhe kur Sylvester hyri, bërtiti se “kurrë nuk do të vinte” nëse do ta dinte se “Princi i Kaltër” do të ishte aty.” shkruan në librin e tij “Me” 72-vjeçari.
Kur erdhi koha e darkës, John kujton se grupi vuri re që mungonin të dy, Gere dhe Stallone. Partneri i tij aktual David Furnish, i pa ata gati duke u zënë me njëri-tjetrin, me sa duket për të zgjidhur se kush do ta bënte për vete Dianën./Opinion.al
